"Yuventus" himoyachisi Leonardo Bonuchchi klubga jamoadagi maqomini tiklash uchun ikkinchi rasmiy so‘rov yubordi. Bu haqda La Gazzetta dello Sport nashri xabar bermoqda.
Futbolchining fikricha, klub shartnoma shartlariga amal qilmayapti va yana tarkibdan joy olishga intiladi. "Yuventus" bilan shartnomasi tugashiga bir yil qolgan Bonuchchi so‘nggi oylarda "Lasio" bilan ham, "Union" bilan ham muzokaralar olib bordi, biroq hali turinliklar bilan kelishib ololmadi. Shuningdek, futbolchiga “Jenoa”dan ham qiziqish borligi ma’lum bo‘ldi. Leonardoning o‘zi ham "Yuventus"da qolishni istaydi.
Avvalroq, "Yuventus" bosh murabbiyi Massimiliano Allegri 36 yoshli markaziy himoyachini "byankonerilar"ning asosiy jamoasidan chiqarib yuborgan va uni AQSH bo‘ylab mavsumoldi safariga olib bormagandi.