"Ювентус" ҳимоячиси Леонардо Бонуччи клубга жамоадаги мақомини тиклаш учун иккинчи расмий сўров юборди. Бу ҳақда La Gazzetta dello Sport нашри хабар бермоқда.
Футболчининг фикрича, клуб шартнома шартларига амал қилмаяпти ва яна таркибдан жой олишга интилади. "Ювентус" билан шартномаси тугашига бир йил қолган Бонуччи сўнгги ойларда "Лацио" билан ҳам, "Унион" билан ҳам музокаралар олиб борди, бироқ ҳали туринликлар билан келишиб ололмади. Шунингдек, футболчига “Женоа”дан ҳам қизиқиш борлиги маълум бўлди. Леонардонинг ўзи ҳам "Ювентус"да қолишни истайди.
Аввалроқ, "Ювентус" бош мураббийи Массимилиано Аллегри 36 ёшли марказий ҳимоячини "бьянконерилар"нинг асосий жамоасидан чиқариб юборган ва уни АҚШ бўйлаб мавсумолди сафарига олиб бормаганди.