Fransiyaning “Renn” klubi rahbariyati Angliya Premyer-ligasining top-klubidan futbolchi transferiga hozirlik ko‘rmoqda.
Artur Teatening "RB Leypsig"ga ketishi haqidagi xabarlar orasida Liga 1 klubi belgiyalik futbolchini o‘rinbosarini topishni rejalashtirgan. "Benfika"dan Morato bilan shartnoma imzolay olmagan "Renn" e’tiborini "Liverpul" futbolchisi Joel Matipga qaratdi. Qayd etilishicha, kamerunlik yozgi transfer oynasi yakunida Fransiya jamoasining asosiy maqsadlaridan biri bo‘ladi.
Eslatib o‘tamiz, Joel Matip shu yilning bahorida transferga qo‘yilgandi. Kamerunlik futbolchi 2016 yildan beri mersisaydliklar safida to‘p tepmoqda va ingliz giganti tarkibida barcha mumkin bo‘lgan unvonlarni qo‘lga kiritgan. Transfermarkt portali 32 yoshli himoyachining narxini 12 million yevroga baholamoqda.