Франциянинг “Ренн” клуби раҳбарияти Англия Премьер-лигасининг топ-клубидан футболчи трансферига ҳозирлик кўрмоқда.

Артур Театенинг "РБ Лейпциг"га кетиши ҳақидаги хабарлар орасида Лига 1 клуби бельгиялик футболчини ўринбосарини топишни режалаштирган. "Бенфика"дан Морато билан шартнома имзолай олмаган "Ренн" эътиборини "Ливерпуль" футболчиси Жоэль Матипга қаратди. Қайд этилишича, камерунлик ёзги трансфер ойнаси якунида Франция жамоасининг асосий мақсадларидан бири бўлади.

Эслатиб ўтамиз, Жоэль Матип шу йилнинг баҳорида трансферга қўйилганди. Камерунлик футболчи 2016 йилдан бери мерсисайдликлар сафида тўп тепмоқда ва инглиз гиганти таркибида барча мумкин бўлган унвонларни қўлга киритган. Transfermarkt портали 32 ёшли ҳимоячининг нархини 12 миллион еврога баҳоламоқда.