"Chelsi" chap qanot himoyachisi Mark Kukurelyani "Manchester Yunayted"ga ijaraga berishga tayyor. Jurnalist Fabrisio Romanoning yozishicha, ispaniyalik futbolchi bosh murabbiy Maurisio Pochettinoning rejalariga kiritilmagan. Argentinalik mutaxassisga ko‘proq Yan Matsen yoqadi, u mashg‘ulotlarda o‘zini yaxshi ko‘rsatmoqda.
"Manchester Yunayted" noyabrgacha safdan chiqqan jarohat olgan Lyuk Shou o‘rniga Kukurelyani ijaraga olmoqchi. "Chelsi" futbolchining moliyaviy talablari qondirilsa, uni qo‘yib yuboradi. “Ko‘klar” mankunianliklardan Kukurelyani yillik maoshini to‘liq qoplashini istamoqda.