"Челси" чап қанот ҳимоячиси Марк Кукурельяни "Манчестер Юнайтед"га ижарага беришга тайёр. Журналист Фабрицио Романонинг ёзишича, испаниялик футболчи бош мураббий Маурисио Почеттинонинг режаларига киритилмаган. Аргентиналик мутахассисга кўпроқ Ян Матсен ёқади, у машғулотларда ўзини яхши кўрсатмоқда.
"Манчестер Юнайтед" ноябргача сафдан чиққан жароҳат олган Люк Шоу ўрнига Кукурельяни ижарага олмоқчи. "Челси" футболчининг молиявий талаблари қондирилса, уни қўйиб юборади. “Кўклар” манкунианликлардан Кукурельяни йиллик маошини тўлиқ қоплашини истамоқда.
