"Milan" klubi transfer oynasi yopilguniga qadar Mehdi Taremi bilan shartnoma imzolamoqchi.
Italiya klubi hujumchining transferi bo‘yicha "Portu" bilan muzokaralarni davom ettirmoqda. Avvalroq portugaliyaliklar futbolchi uchun 25 million yevrodan ko‘proq pul talab qilayotgani ma’lum bo‘lgandi, ammo "rossonerilar" buncha pul to‘lamoqchi emas.
Janluka Di Marsioning so‘zlariga ko‘ra, "Milan" "Portu" 2024 yilning yozida hujumchini tekinga yo‘qotmaslik uchun talablarni pasaytiradi deb umid qilmoqda. Italiyaliklar yakuniy taklif bilan chiqishadi - 20 million yevrodan kam.
O‘tgan mavsumda Taremi chempionatning 33 o‘yinida 22 gol urdi va 7 golga assistentlik qildi.