"Милан" клуби трансфер ойнаси ёпилгунига қадар Меҳди Тареми билан шартнома имзоламоқчи.
Италия клуби ҳужумчининг трансфери бўйича "Порту" билан музокараларни давом эттирмоқда. Аввалроқ португалияликлар футболчи учун 25 миллион евродан кўпроқ пул талаб қилаётгани маълум бўлганди, аммо "россонерилар" бунча пул тўламоқчи эмас.
Жанлука Ди Марционинг сўзларига кўра, "Милан" "Порту" 2024 йилнинг ёзида ҳужумчини текинга йўқотмаслик учун талабларни пасайтиради деб умид қилмоқда. Италияликлар якуний таклиф билан чиқишади - 20 миллион евродан кам.
Ўтган мавсумда Тареми чемпионатнинг 33 ўйинида 22 гол урди ва 7 голга ассистентлик қилди.