"Chelsi"ning sobiq hujumchisi Kris Satton misrlik Muhammad Salohning "Liverpul"dan Saudiyaning "Al-Ittihod" klubiga o‘tishi mumkinligi haqida fikr bildirdi.
“Muhammad Saloh hozir “Liverpul”dan Saudiya Arabistoniga keta olmaydi. Transfer oynasi yopilishiga sanoqli kunlar qoldi. Agar kelishuv amalga oshsa, katta janjal bo‘ladi. Agar Saloh hozir ketsa, uni jahon darajasidagi futbolchiga aylantirgan Yurgen Klopp uchun zarba bo‘ladi. Menimcha, u murabbiydan qarzdor", - deya Sattonning so‘zlaridan iqtibos keltiradi Daily Mail.
Misrlik hujumchi "Liverpul"da 2015 yildan buyon o‘ynab kelmoqda. Tomonlar o‘rtasidagi mehnat shartnomasi muddati 2025 yilning yozida tugaydi.