"Челси"нинг собиқ ҳужумчиси Крис Саттон мисрлик Муҳаммад Салоҳнинг "Ливерпуль"дан Саудиянинг "Ал-Иттиҳод" клубига ўтиши мумкинлиги ҳақида фикр билдирди.
“Муҳаммад Салоҳ ҳозир “Ливерпуль”дан Саудия Арабистонига кета олмайди. Трансфер ойнаси ёпилишига саноқли кунлар қолди. Агар келишув амалга ошса, катта жанжал бўлади. Агар Салоҳ ҳозир кетса, уни жаҳон даражасидаги футболчига айлантирган Юрген Клопп учун зарба бўлади. Менимча, у мураббийдан қарздор", - дея Саттоннинг сўзларидан иқтибос келтиради Daily Mail.
Мисрлик ҳужумчи "Ливерпуль"да 2015 йилдан буён ўйнаб келмоқда. Томонлар ўртасидаги меҳнат шартномаси муддати 2025 йилнинг ёзида тугайди.