"Lester" himoyachisi Timoti Kastan "Fulxem"ga o‘tdi.
London klubi belgiyalik futbolchi bilan 2027 yilning yoziga qadar shartnoma imzolagani va yana 12 oyga uzaytirilishi mumkinligini e’lon qildi.
"Fulxem"da 27 yoshli o‘ng qanot himoyachisi 21-raqamda harakat qiladi.
OAV xabariga ko‘ra, transfer summasi 15 million yevroni tashkil qilgan.
Kastan 2020 yilda “Atalanta”dan “Lester”ga o‘tgandi. U “tulkilar” safida 112 ta o‘yinda maydonga tushib, 5 ta gol urdi va 8 ta golli uzatmani amalga oshirdi.
Futbolchi Belgiya terma jamoasi safida 33 ta o‘yin o‘tkazib, 2 ta gol urgan.
