"Лестер" ҳимоячиси Тимоти Кастань "Фулхэм"га ўтди.

Лондон клуби бельгиялик футболчи билан 2027 йилнинг ёзига қадар шартнома имзолагани ва яна 12 ойга узайтирилиши мумкинлигини эълон қилди.

"Фулхэм"да 27 ёшли ўнг қанот ҳимоячиси 21-рақамда ҳаракат қилади.

ОАВ хабарига кўра, трансфер суммаси 15 миллион еврони ташкил қилган.

Кастань 2020 йилда “Аталанта”дан “Лестер”га ўтганди. У “тулкилар” сафида 112 та ўйинда майдонга тушиб, 5 та гол урди ва 8 та голли узатмани амалга оширди.

Футболчи Бельгия терма жамоаси сафида 33 та ўйин ўтказиб, 2 та гол урган.