"Manchester Yunayted" "Chelsi" himoyachisi Mark Kukurelya bilan shaxsiy shartnoma borasida kelishib oldi, deya xabar beradi jurnalist Fabrisio Romano o‘zining ijtimoiy tarmoqlarida.
Manbaga ko‘ra, Kukurelya va uning vakillari ingliz klubiga o‘tishga rozi bo‘lgan. Qayd etilishicha, ingliz klubi “Chelsi”ga bir yillik ijara uchun 3 million yevro to‘lashga tayyor, “Chelsi” kamida 8 million yevro olmoqchi.
Kukurelya o‘tgan mavsumda “Chelsi” safida 33 ta o‘yinda maydonga tushib, 2 ta golli uzatmaga mualliflik qilgan. Transfermarkt portali futbolchining narxini 40 million yevroga baholamoqda.