"Vulverxempton" va "Manchester Siti" o‘rtasida yarim himoyachi Mateus Nunesning transferi barbod bo‘lishi mumkin.

O‘tgan haftada "shaharliklar"ning portugalga qiziqishi haqida ma’lumot paydo bo‘ldi va shundan beri klublar transfer shartlari bo‘yicha kelisha olishmayapti. MailSport xabariga ko‘ra, "Manchester Siti" rahbariyati shartnomadan voz kechish haqida jiddiy o‘ylamoqda. “Vulverxempton” 25 yoshli futbolchi uchun 60 million funt (70 million yevrodan sal kam) talab qilmoqda, amaldagi Angliya chempionlari esa 55 million funtdan (64 million yevro) ko‘p to‘lashga tayyor.

Mateus Nunes o‘tgan yilning avgust oyida "Sporting Lissabon"dan 45 million yevro evaziga "Vulverxempton"ga o‘tgan edi.