"Вулверхэмптон" ва "Манчестер Сити" ўртасида ярим ҳимоячи Матеус Нунеснинг трансфери барбод бўлиши мумкин.
Ўтган ҳафтада "шаҳарликлар"нинг португалга қизиқиши ҳақида маълумот пайдо бўлди ва шундан бери клублар трансфер шартлари бўйича келиша олишмаяпти. MailSport хабарига кўра, "Манчестер Сити" раҳбарияти шартномадан воз кечиш ҳақида жиддий ўйламоқда. “Вулверхэмптон” 25 ёшли футболчи учун 60 миллион фунт (70 миллион евродан сал кам) талаб қилмоқда, амалдаги Англия чемпионлари эса 55 миллион фунтдан (64 миллион евро) кўп тўлашга тайёр.
Матеус Нунес ўтган йилнинг август ойида "Спортинг Лиссабон"дан 45 миллион евро эвазига "Вулверхэмптон"га ўтган эди.
