«Barselona» Madridning «Atletiko» klubi hujumchisi Joau Feliksni qo‘lga kiritish uchun qattiq ish olib bormoqda.

Portugaliyalik uzoq vaqtdan beri «matraschilar» safini tark etishga qaror qilgan va «Barselona» uning uchun orzu variant bo‘lib qolmoqda.

23 yoshli futbolchiga Kataloniya grandi qiziqish bildirmoqda, biroq to‘siq o‘zgarishsiz qolmoqda - «ko‘k-anorranglilar»ning moliyaviy qiyin ahvoli bunga yo‘l bermaydi.

Insayder Fabrisio Romanoning yangilangan ma’lumotlariga ko‘ra, «Barselona» Feliks bilan 48 soat ichida kelishuvni muvaffaqiyatli yakunlash uchun barcha imkoniyatlarni ishga soladi.

Klub rahbariyati moliyaviy feyr-pley chegarasida qolish uchun yechim topishga harakat qiladi.