«Барселона» Мадриднинг «Атлетико» клуби ҳужумчиси Жоау Феликсни қўлга киритиш учун қаттиқ иш олиб бормоқда.
Португалиялик узоқ вақтдан бери «матрасчилар» сафини тарк этишга қарор қилган ва «Барселона» унинг учун орзу вариант бўлиб қолмоқда.
23 ёшли футболчига Каталония гранди қизиқиш билдирмоқда, бироқ тўсиқ ўзгаришсиз қолмоқда - «кўк-анорранглилар»нинг молиявий қийин аҳволи бунга йўл бермайди.
Инсайдер Фабрицио Романонинг янгиланган маълумотларига кўра, «Барселона» Феликс билан 48 соат ичида келишувни муваффақиятли якунлаш учун барча имкониятларни ишга солади.
Клуб раҳбарияти молиявий фейр-плей чегарасида қолиш учун ечим топишга ҳаракат қилади.
