Ispaniyaning “Sevilya” klubi yarim himoyachisi Lukas Okampos Angliya Premyer-ligasiga o‘tishi mumkin. The Telegraph jurnalistlarining yozishicha, 29 yoshli argentinalik futbolchining xizmatlariga Londonning “Fulm” klubi qiziqmoqda. Inglizlar futbolchi bilan allaqachon kelishib bo‘lgan va endilikda bu transfer uchun andalusiyaliklarning roziligini kutishmoqda.
Okampos o‘tgan mavsumda Amsterdamning "Ayaks" klubida ijara asosida o‘ynagandi. U Niderlandiya chempionatining atigi to‘rtta uchrashuvida gol ura olmadi.
La Liga mavsumi startida argentinalik futbolchi “Sevilya” tarkibida uchta uchrashuv o‘tkazib, bitta golli uzatmani amalga oshirdi.