O‘zbekiston Superliga 18-turidan o‘rin olgan “Metallurg” – “So‘g‘diyona” uchrashuvi VAR siz o‘tadi. Bu haqda O‘zbekiston futbol hakamlar markazi telegram-kanali xabar berdi.
"Texnik nosozlik sababli VAR texnologiyasidagi muammolar hozircha hal etilmadi va shu tufayli bu uchrashuvni ham video assistentlarsiz o‘tkazishga majburmiz. Vodiyda o‘tkazilishi rejalashtirilgan turning markaziy “Navbahor” – OKMK bahsida esa VAR ishlaydi.
Mavjud noqulayliklar uchun futbol jamoatchiligidan uzr so‘raymiz. Ayni damda muammoni bartaraf etish bo‘yicha amaliy ishlar olib borilmoqda va keyingi tur uchrashuvlarigacha VAR yana o‘z holiga qaytishiga umid qilib qolamiz", - deyiladi bayonotda.
