Ўзбекистон Суперлига 18-туридан ўрин олган “Металлург” – “Сўғдиёна” учрашуви ВАР сиз ўтади. Бу ҳақда Ўзбекистон футбол ҳакамлар маркази телеграм-канали хабар берди.

"Техник носозлик сабабли ВАР технологиясидаги муаммолар ҳозирча ҳал этилмади ва шу туфайли бу учрашувни ҳам видео ассистентларсиз ўтказишга мажбурмиз. Водийда ўтказилиши режалаштирилган турнинг марказий “Навбаҳор” – ОКМК баҳсида эса ВАР ишлайди.

Мавжуд ноқулайликлар учун футбол жамоатчилигидан узр сўраймиз. Айни дамда муаммони бартараф этиш бўйича амалий ишлар олиб борилмоқда ва кейинги тур учрашувларигача ВАР яна ўз ҳолига қайтишига умид қилиб қоламиз", - дейилади баёнотда.