"Chelsi" "Manchester Siti" yarim himoyachisi Koul Palmerni sotib oladi.
Avvalroq ma’lum bo‘lishicha, klublar transfer shartlari bo‘yicha kelishuvga erishgan - "ko‘klar" 21 yoshli futbolchi uchun bonuslarni hisobga olgan holda 50 million yevrodan ko‘proq pul to‘laydi. Insayder Fabrisio Romanoning so‘zlariga ko‘ra, kelishuv payshanba kuni, angliyalik yarim himoyachi tibbiy ko‘rikdan o‘tgandan so‘ng darhol yakunlanadi. Tomonlar allaqachon o‘tishni yakunlash uchun zarur bo‘lgan hujjatlarni tayyorlamoqda.
Koul Palmer joriy mavsum “Manchester Siti” safida 3 ta o‘yinda maydonga tushib, 2 ta gol urdi. Umumiy hisobda futbolchi “shaharliklar”ning asosiy tarkibida 41 ta o‘yinda maydonga tushib, 6 ta gol va 2 ta golli uzatmaga mualliflik qilgan.
