"Barselona" hujumchisi Ansu Fati "Brayton"ga ijaraga o‘tishni yakunlash arafasida. Jurnalist Fabrisio Romanoning xabar berishicha, futbolchi tez orada tibbiy ko‘rikdan o‘tish uchun Angliyaga boradi.
Eslatib o‘tamiz, Fati "Brayton"ga ijara asosida o‘tadi. "Chaykalar" Ansuning maoshining 75-80 foizini qoplaydi, bu esa "Barselona"ga ish haqi fondida sezilarli miqdorni tejash imkonini beradi.
Fati avvalroq "Barselona"da qolishni xohlagandi, ammo vaqt o‘tishi bilan u kuchli raqobat tufayli barqaror o‘yin amaliyotiga ega bo‘la olmasligini tushundi.