"Барселона" ҳужумчиси Ансу Фати "Брайтон"га ижарага ўтишни якунлаш арафасида. Журналист Фабрицио Романонинг хабар беришича, футболчи тез орада тиббий кўрикдан ўтиш учун Англияга боради.
Эслатиб ўтамиз, Фати "Брайтон"га ижара асосида ўтади. "Чайкалар" Ансунинг маошининг 75-80 фоизини қоплайди, бу эса "Барселона"га иш ҳақи фондида сезиларли миқдорни тежаш имконини беради.
Фати аввалроқ "Барселона"да қолишни хоҳлаганди, аммо вақт ўтиши билан у кучли рақобат туфайли барқарор ўйин амалиётига эга бўла олмаслигини тушунди.