Myunxenning «Bavariya» klubida to‘p tepayotgan fransiyalik vinger Kingsli Koman 2023/2024 yilgi mavsum Chempionlar ligasi guruh bosqichiga qur’a tashlash natijalari haqida gapirdi.
«Evrokuboklar nihoyat qaytib keldi. Chempionlar ligasida o‘ynashni intiqlik bilan kutmoqdaman. O‘ylaymanki, biz juda yaxshi guruhga kirdik, unda oldinga chiqish uchun ajoyib imkoniyatlarimiz bor.
Shaxsan men hali raqiblarimizning stadionlarida o‘ynaganim yo‘q, shuning uchun menga bu qiziqarli sayohat bo‘ladi», - dedi Koman.
