Misr terma jamoasi yulduzi Muhammad Saloh "Liverpul"ni tark etib, Saudiya Arabistoni chempionatiga o‘tishga yaqin turibdi.

Okaz Sports xabariga ko‘ra, afrikalik yaqin vaqt ichida "Al-Ittihod" bilan shartnoma imzolashi kerak. Klublar muvaffaqiyatli muzokaralar olib borishdi va kelishuvga erishishdi. Bugun yakuniga qadar Muhammad yangi klubi joylashgan joyga uchib ketadi.

Oldinroq “Al-Ittihod” Saloh bilan yiliga 76 million yevro maosh oladigan uch yillik mehnat shartnomasini imzolashi haqida xabar berilgandi.

Misrlik futbolchi 2017 yildan beri Mersisayd grandida o‘ynab kelmoqda. "Qizillar" va hujumchi o‘rtasidagi shartnoma 2025 yilning yozida yakuniga yetadi.