«Ayaks» «Shtutgart» himoyachisi Borna Sosa bilan shartnoma imzolamoqchi, deb yozmoqda jurnalist Fabrisio Romano tvitterda.
Manbaga ko‘ra, 25 yoshli xorvatiyalik tibbiy ko‘rikdan o‘tgan va tez orada shartnoma imzolaydi. Transfer summasi 8 million yevroni tashkil qiladi.
Sosa 2018 yildan beri «Shtutgart» safida to‘p tepadi. 2022/23 yilgi mavsumda himoyachi 30 ta o‘yinda maydonga tushib, 2 ta gol urdi va 12 ta golli uzatmani amalga oshirdi.
Transfermarkt portali futbolchining narxini 12 million yevroga baholamoqda.