«Аякс» «Штутгарт» ҳимоячиси Борна Соса билан шартнома имзоламоқчи, деб ёзмоқда журналист Фабрицио Романо твиттерда.
Манбага кўра, 25 ёшли хорватиялик тиббий кўрикдан ўтган ва тез орада шартнома имзолайди. Трансфер суммаси 8 миллион еврони ташкил қилади.
Соса 2018 йилдан бери «Штутгарт» сафида тўп тепади. 2022/23 йилги мавсумда ҳимоячи 30 та ўйинда майдонга тушиб, 2 та гол урди ва 12 та голли узатмани амалга оширди.
Transfermarkt портали футболчининг нархини 12 миллион еврога баҳоламоқда.