Premyer-liga klublari yozgi transfer oynasidagi mablag‘ sarflash bo‘yicha rekord o‘rnatdi.

Deloitte auditorlik kompaniyasi ma’lumotlariga ko‘ra, Premyer-liga klublari bu yozda yangi transferlar uchun 2,36 milliard funt sterling sarflagan. Liga bir transfer oynasida xarajat qilish bo‘yicha yangi rekord o‘rnatdi va o‘tgan yilgi ko‘rsatkichdan 440 million funt sterlingga oshib ketdi.

Transfer oynasining so‘nggi kunida klublar 255 million funt sterling sarflashdi, bu o‘tgan yilgidan ikki baravar ko‘p - 120 million funt sterling. 2023/24 yilgi mavsum Premyer-liga tarixidagi eng ko‘p transfer xarajatlari bo‘yicha ikkinchi o‘rinni egalladi, qishki transfer oynasi hali oldinda. Premyer-liga klublari o‘tgan mavsum davomida 2,73 milliard funt sterling sarflagandi.

Qayd etilishicha, liga klublarining harajatlari top-5 ligadagi transferlar uchun umumiy xarajatlarining 48 foizini tashkil qilgan.

Moyses Kaysedo (“Chelsi”ga 100+15 million funt) va Deklan Rays (“Arsenal”ga 100+5 million funt) Premyer-liga klublariga eng qimmat yangi kelganlar.