"Manchester Yunayted" bosh murabbiyi Erik ten Xag Chempionlar ligasi guruh bosqichiga qur’a tashlash natijalari haqida gapirdi.
“Qizil iblislar” “Bavariya”, Turkiyaning “Galatasaroy”i va Daniyaning “Kopengagen” klublari bilan to‘rtlikdan joy oldi.
“Menimcha, bizda juda qiziqarli guruh bor. Biz katta klublar bilan raqobatlashishimiz kerak, ammo bu Chempionlar ligasida odatiy hol. Biz bu o‘yinlarni intiqlik bilan kutamiz, chunki o‘zingizni eng yuqori darajada sinab ko‘rish har doim qiziqarli. "Bavariya", "Galatasaroy" va "Kopengagen"ga qarshi o‘ynash ajoyib bo‘ladi", dedi Ten Xag yakshanba kuni "Arsenal"ga qarshi APL o‘yinidan oldin matbuot anjumanida.
