"Манчестер Юнайтед" бош мураббийи Эрик тен Хаг Чемпионлар лигаси гуруҳ босқичига қуръа ташлаш натижалари ҳақида гапирди.
“Қизил иблислар” “Бавария”, Туркиянинг “Галатасарой”и ва Даниянинг “Копенгаген” клублари билан тўртликдан жой олди.
“Менимча, бизда жуда қизиқарли гуруҳ бор. Биз катта клублар билан рақобатлашишимиз керак, аммо бу Чемпионлар лигасида одатий ҳол. Биз бу ўйинларни интиқлик билан кутамиз, чунки ўзингизни энг юқори даражада синаб кўриш ҳар доим қизиқарли. "Бавария", "Галатасарой" ва "Копенгаген"га қарши ўйнаш ажойиб бўлади", деди Тен Хаг якшанба куни "Арсенал"га қарши АПЛ ўйинидан олдин матбуот анжуманида.
