«Barselona» bosh murabbiyi Xavi yozda Ansu Fati, Abde Ezzalzuli va Erik Garsiyaning jamoadan ketishi haqida fikr bildirdi.

«Ansu, Erik va Abde muntazam o‘ynashni xohlardi. Biz ulardan hech birini yo‘qotmoqchi emasmiz, shuning uchun ham Abdening shartnomasida qaytarib sotib olish bandi bor.

Men ularni ishontirishga harakat qildim, lekin ular ko‘proq o‘ynashga qaror qilishdi. «Barsa»da ko‘p daqiqalarni o‘tkazish qiyin, shuning uchun men ularni tushunaman», - deya Xavining so‘zlarini keltiradi Mundo Deportivo.

«Jirona» Garsiyani, «Brayton» Fatini, «Betis» esa Abdeni ijaraga olgan.