«Real»ning fransiyalik yarim himoyachisi Eduardo Kamavinga o‘zining universalligi haqida tayyorlangan qiziqarli videorolikka darhol munosabat bildirdi.
Endi muxlislarning mavzu yuzasidan memlari to‘lqinini to‘xtatib bo‘lmayapti...
Kamavinga chindan ham, ko‘p qirrali futbolchi. Yaqinda ijtimoiy tarmoqda uning universal xususiyati biroz bo‘rttirilgan ajib videorolik tarqaldi. Unda muallif fransiyalik futbolchi «Real»ning istalgan futbolchisi o‘rnini bosishi mumkinligiga sha’ma qilgan. Ya’ni Eduardoni nafaqat boshqa futbolchilar, balki murabbiy va hattoki, hakam rolida ko‘rsatgan. Aniqrog‘i, rolikda har bir futbolchi yarim himoyachi nomi bilan atalgan: Tibo Kamavinga, Serxio Kamavinga (Ramosga ishora), Zayniddin Kamavinga, ser Aleks Kamavinga va hokazo.
Videorolik bosh qahramon tomonidan yaxshi baholandi. Har holda, fransiyalik futbolchi unga post qo‘ydi va oddiy yozuv qo‘shib qo‘ydi: «Iltimos, meni tinch qo‘yinglar...».
Ammo Kamavinga bu bilan muxlislarni junbushga soldi, go‘yo. Ular endi yarim himoyachining universalligi haqida memlar yaratishga tushdilar. Kimdir Eduardo butun jamoa o‘rnini bosishi mumkinligini ifoda etayotgan bo‘lsa, yana birov futbolchini murabbiy rolida ko‘ryapti:
- Anchelotti iste’foga chiqsa, muammo yo‘q.
- Darvozada Kepadan yaxshiroq.
- U hatto Peres o‘rnini ham bosa oladi.
- Transplantasiyaga ehtiyoj sezsam, shu yigit yuragini olardim...
- «Real Kamavinga Madrid»...
