Portugaliya chempionatining 4-turidan o‘rin olgan “Portu” – “Aroka” uchrashuvida bosh hakam Migel Nogeyra VAR tizimi orqali telefonda gaplashgach, mehmonlar darvozasiga belgilangan penaltini bekor qildi, deya xabar bermoqda Sport Bild.
Uchrashuvning 90-daqiqasida “Portu” penalti tepish huquqini qo‘lga kiritdi. Biroq VAR arbitrlari epizodni tomosha qilish uchun Nogeyrani monitorga chaqirgan, biroq texnik muammolar tufayli u tasvirlarni ko‘ra olmagan. Uzoq tanaffusdan so‘ng bosh hakamga VAR tizimidagi hamkasblari bilan muloqot qilish uchun mobil telefon berildi, shundan so‘ng penalti bekor qilindi.
Portugaliya Primerasining 4-turidan o‘rin olgan “Portu” – “Aroka” uchrashuvi 1:1 hisobida yakunlandi. Mezbonlar hujumchisi Evanilson 90+19-daqiqada hisobni tenglashtirdi.
O‘tkazilgan to‘rtta uchrashuvdan keyin "Portu" 10 ochko bilan turnir jadvalida ikkinchi o‘rinda bormoqda. “Aroka” yettinchi o‘rinni egallab turibdi va uning hisobida 6 ochko bor.
