Португалия чемпионатининг 4-туридан ўрин олган “Порту” – “Арока” учрашувида бош ҳакам Мигель Ногейра ВАР тизими орқали телефонда гаплашгач, меҳмонлар дарвозасига белгиланган пенальтини бекор қилди, дея хабар бермоқда Sport Bild.
Учрашувнинг 90-дақиқасида “Порту” пенальти тепиш ҳуқуқини қўлга киритди. Бироқ ВАР арбитрлари эпизодни томоша қилиш учун Ногейрани мониторга чақирган, бироқ техник муаммолар туфайли у тасвирларни кўра олмаган. Узоқ танаффусдан сўнг бош ҳакамга ВАР тизимидаги ҳамкасблари билан мулоқот қилиш учун мобиль телефон берилди, шундан сўнг пенальти бекор қилинди.
Португалия Примерасининг 4-туридан ўрин олган “Порту” – “Арока” учрашуви 1:1 ҳисобида якунланди. Мезбонлар ҳужумчиси Эванилсон 90+19-дақиқада ҳисобни тенглаштирди.
Ўтказилган тўртта учрашувдан кейин "Порту" 10 очко билан турнир жадвалида иккинчи ўринда бормоқда. “Арока” еттинчи ўринни эгаллаб турибди ва унинг ҳисобида 6 очко бор.
