Yarim himoyachi Tanguy Ndombele «Tottenxem»dan «Galatasaroy»ga o‘tadi.
Klublar 26 yoshli fransiyalik futbolchini sotib olish sharti bilan ijaraga olish borasida kelishib oldi.
Nufuzli insayder Fabrisio Romanoning ijtimoiy tarmoqlarda xabar berishicha, Ndombele allaqachon tibbiy ko‘rikning birinchi qismidan o‘tgan. Dushanba kuni futbolchi Istanbulga uchib ketadi.
Aytish joizki, so‘nggi bir yarim yil ichida Ndombele «Tottenxem»dan ikki marta – avvaliga «Lion»ga, keyin esa «Napoli»ga ijaraga berilgandi.
Qo‘shimcha qilamizki, nufuzli Transfermarkt portali mutaxassislari Tanguy Ndombeleni 22 million yevroga baholamoqda.
