Mavsum davomida Vitaliy Levchenko boshchiligidagi «Neftchi» Superliga chempionatida shu kungacha 18 ta o‘yinda ishtirok etib, o‘z darvozasidan 11 ta gol o‘tkazdi. Bu ko‘rsatkich bo‘yicha farg‘onaliklar 14 jamoa ichida eng yaxshi natijaga ega bo‘lib turibdi. 

«Neftchi» darvozabonlari statistikasiga nazar tashlasak,  Akbar To‘rayev mavsum avvalida jamoaning qator sakkiz uchrashuvida maydonga chiqib o‘z davrozasizdan jami 8 bor gol o‘tkazishga majbur bo‘ldi. Gollardan biri penaltidan kiritilgan. Akbar To‘rayev maydonda jami 720 daqiqa harakat qildi.

Olimpiya terma jamoasi a’zosi hisoblangan yosh posbonimiz Vladimir Nazarov esa o‘n uchrashuvda maydonga chiqib,  o‘z darvozasidan uch marta to‘p olib chiqishga majbur bo‘ldi. Bu vaziyatda ham bitta gol penaltidan kiritilgan.

Jamoa posbonlarining yuqori ko‘rsatkichlarni qayd etishlarida darvozabonlar murabbiyi Farrux Berdiyevning o‘rni beqiyos, desak aslo mubolag‘a bo‘lmaydi.

"Neftchi" PFK matbuot xizmati