Italiya terma jamoasi bosh murabbiyi Luchano Spalletti yangi lavozimidagi ilk uchrashuvini o‘tkazishga hozirlik ko‘rmoqda.
"Napoli"ning sobiq ustozi 1 sentyabrdan boshlab terma jamoa bilan mashg‘ulotlarni boshladi. Sky Sports xabariga ko‘ra, "skuadradzurra" boshidagi ilk mashg‘ulotida Spaletti 4-3-3 sxemasida o‘ynadi. E’tiborlisi, ko‘rsatilgan modelda “Yuventus” vingeri Federiko Kyezaga o‘rin yo‘q edi, maydon markazida esa Lokatelli, Barella va Tonali triosi bor edi. Hujumda Raspadori harakatlangan.
Italiya Luchano Spaletti qo‘l ostida Yevropa chempionati saralash bosqichi doirasida Shimoliy Makedoniya raqiblariga qarshi safar o‘yinida debyut qiladi. Uchrashuv 9 sentyabr kuni bo‘lib o‘tadi.
