Италия терма жамоаси бош мураббийи Лучано Спаллетти янги лавозимидаги илк учрашувини ўтказишга ҳозирлик кўрмоқда.
"Наполи"нинг собиқ устози 1 сентябрдан бошлаб терма жамоа билан машғулотларни бошлади. Sky Sports хабарига кўра, "скуадрадзурра" бошидаги илк машғулотида Спалетти 4-3-3 схемасида ўйнади. Эътиборлиси, кўрсатилган моделда “Ювентус” вингери Федерико Кьезага ўрин йўқ эди, майдон марказида эса Локателли, Барелла ва Тонали триоси бор эди. Ҳужумда Распадори ҳаракатланган.
Италия Лучано Спалетти қўл остида Европа чемпионати саралаш босқичи доирасида Шимолий Македония рақибларига қарши сафар ўйинида дебют қилади. Учрашув 9 сентябрь куни бўлиб ўтади.
