"Real Sosyedad" "Manchester Yunayted" hujumchisi Antoni Marsyalni o‘z safiga qo‘shib olmoqchi.
27 yoshli futbolchi joriy mavsum oxirida erkin agentga aylanishi mumkin, chunki uning shartnomasi iyun oyida tugaydi. "Real Sosyedad" bundan unumli foydalanish niyatida, klub fransiyalik futbolchini kelasi yozda o‘z safiga qo‘shib olish imkoniyatini o‘rganmoqda, deb xabar beradi Fichajes. Basklar klubi allaqachon forvardni ehtimoliy transfer maqsadi sifatida qayd etgan.
Antoni Marsyal 2015 yildan beri “Manchester Yunayted”ga tegishli. Futbolchining Ispaniyada o‘ynash tajribasi bor: 2021/22 yilgi mavsumning ikkinchi yarmida u "Sevilya"da ijara asosida o‘ynagan.