"Реал Сосьедад" "Манчестер Юнайтед" ҳужумчиси Антони Марсьялни ўз сафига қўшиб олмоқчи.
27 ёшли футболчи жорий мавсум охирида эркин агентга айланиши мумкин, чунки унинг шартномаси июнь ойида тугайди. "Реал Сосьедад" бундан унумли фойдаланиш ниятида, клуб франциялик футболчини келаси ёзда ўз сафига қўшиб олиш имкониятини ўрганмоқда, деб хабар беради Fichajes. Басклар клуби аллақачон форвардни эҳтимолий трансфер мақсади сифатида қайд этган.
Антони Марсьяль 2015 йилдан бери “Манчестер Юнайтед”га тегишли. Футболчининг Испанияда ўйнаш тажрибаси бор: 2021/22 йилги мавсумнинг иккинчи ярмида у "Севилья"да ижара асосида ўйнаган.
