Markaziy himoyachi Davinson Sanches "Tottenxem"ni "Galatasaroy"ga almashtirdi.

Ushbu transfer haqida turk klubi matbuot xizmati rasman e’lon qildi. 27 yoshli futbolchi bilan 2027 yilgacha mo‘ljallangan shartnoma imzolangan va uning transfer narxi 9,5 million yevroga baholanmoqda.

Davinson Sanches 2017 yilning yozida Amsterdamning “Ayaks” klubidan “Tottenxem”ga o‘tgan edi, o‘shanda “shporlar” kolumbiyalik futbolchi uchun 40 million yevrodan ko‘proq pul to‘lagandi. Umumiy hisobda markaziy himoyachi londonliklar safida 207 ta o‘yin o‘tkazib, 5 ta gol urgan va bitta golli uzatmani amalga oshirgan.