Марказий ҳимоячи Давинсон Санчес "Тоттенхэм"ни "Галатасарой"га алмаштирди.

Ушбу трансфер ҳақида турк клуби матбуот хизмати расман эълон қилди. 27 ёшли футболчи билан 2027 йилгача мўлжалланган шартнома имзоланган ва унинг трансфер нархи 9,5 миллион еврога баҳоланмоқда.

Давинсон Санчес 2017 йилнинг ёзида Амстердамнинг “Аякс” клубидан “Тоттенхэм”га ўтган эди, ўшанда “шпорлар” колумбиялик футболчи учун 40 миллион евродан кўпроқ пул тўлаганди. Умумий ҳисобда марказий ҳимоячи лондонликлар сафида 207 та ўйин ўтказиб, 5 та гол урган ва битта голли узатмани амалга оширган.