«Everton» yarim himoyachisi Amadu Onana irqchilik yuzasidan o‘zini haqorat qilishgani uchun qamoq jazosini talab qilmoqda.
22 yoshli belgiyalik futbolchi 20 avgust kuni Aston Villaga (0:4) qarshi APL 2-turida mag‘lub bo‘lganidan keyin ijtimoiy tarmoqlarda uni «foydasiz maymun» deb atashganini yozdi.
«Menimcha, irqchilik muammosi katta harakatni talab qiladi. Bir nuqtada odamlar buni tushunishlari kerak.
Meni haqorat qilgan bu shaxs allaqachon polisiya va klub tomonidan topilgan deb o‘ylayman. Biroq, afsuski, bunday holatlar tez-tez sodir bo‘ladi.
Bu 2023 yilda hali ham sodir bo‘layotganini achinarli deb bilaman. Qachongacha qamoq yoki diskvalifikasiya bilan jazolash kerak, bilmayman. Men uchun irqchilik - bu futbol olamida ham, oddiy dunyoda ham umuman o‘rin bo‘lmagan narsa.
Bunday odamlarga rahm yo‘q. Yechimlarni rasmiylar izlashi kerak», - deya Onananing so‘zlarini keltiradi L'Equipe.