"Chelsi" markaziy himoyachisi Levi Kolvill yozda "aristokratlar"ni qabul qilib olgan Maurisio Pochettinoning murabbiylik mahoratini yuqori baholadi. E’tibor bering, Kolvillning "Chelsi" bilan shartnomasini uzaytirishida aynan argentinalik mutaxassisning hissasi bor.
"Pochettino - ajoyib murabbiy, men u bilan o‘zimni qulay his qilaman, u menga eng yaxshi futbol o‘ynashimga imkon beradi. Menimcha, Maurisio klubda juda ko‘p narsani o‘zgartirdi, ammo endi biz nihoyat natijaga erishishimiz kerak", - deya Kolvill so‘zlarini keltirgan jurnalist Saymon Fillips.
Pochettino boshchiligidagi “Chelsi” Angliya Premyer-ligasining dastlabki to‘rt turida to‘rt ochko jamg‘ardi.
