Biroz oldin 23 yoshgacha bo‘lgan futbolchilar o‘rtasida Osiyo kubogi saralash bosqichi 1-turi doirasida O‘zbekiston hamda Afg‘oniston jamoalari ishtirokidagi o‘yin yakunlandi. Unda vakillarimiz o‘ta yirik 8:1 hisobidagi g‘alabani qo‘lga kiritdi.

Hamyurtlarimiz safida gollarni Norchayev (xet-trik), Jaloliddinov (dubl), Davronov, Odilov va Hamraliyev mualliflik qildi. Raqibning yagona goli Husayn Zamoni nomiga qayd etildi.

Shu tariqa, olimpiyachilarimiz ilk turdagi dahshatli g‘alaba evaziga turnir jadvalida 1-o‘ringa chiqib oldi. 

Guruhdagi ikkinchi juftlikda Eron Gonkongni yirik 3:0 hisobida taslim etdi.