"Tottenxem" darvozaboni Ugo Lyoris Saudiya Arabistoniga o‘tishga unchalik qiziqmayapti.

36 yoshli futbolchi “shporlar” tarkibiga kiritilmayapti va unga klubni tekinga tark etish imkoniyati berildi, biroq Yevropada transfer oynasi yopilgunga qadar u birorta taklifni qabul qilmadi. Jurnalist Devid Xitnerning so‘zlariga ko‘ra, ayni damda Lyorisda Saudiya Arabistonidan takliflar bor, biroq u ularga qiziqish bildirmayapti. "Tottenxem"ning vaziyatdan hafsalasi pir bo‘ldi, chunki ular fransiyalik futbolchining Yevropa klubiga o‘tish uchun yetarlicha vaqti bo‘lganiga ishonishmoqda.

Ugo Lyoris “Tottenxem” safida 444 ta o‘yin o‘tkazib, 508 ta gol o‘tkazib yuborgan. Darvozabon 2012 yilning yozida "Lion"dan londonliklar safiga ko‘chib o‘tgandi.