"Тоттенхэм" дарвозабони Уго Льорис Саудия Арабистонига ўтишга унчалик қизиқмаяпти.
36 ёшли футболчи “шпорлар” таркибига киритилмаяпти ва унга клубни текинга тарк этиш имконияти берилди, бироқ Европада трансфер ойнаси ёпилгунга қадар у бирорта таклифни қабул қилмади. Журналист Дэвид Хитнернинг сўзларига кўра, айни дамда Льорисда Саудия Арабистонидан таклифлар бор, бироқ у уларга қизиқиш билдирмаяпти. "Тоттенхэм"нинг вазиятдан ҳафсаласи пир бўлди, чунки улар франциялик футболчининг Европа клубига ўтиш учун етарлича вақти бўлганига ишонишмоқда.
Уго Льорис “Тоттенхэм” сафида 444 та ўйин ўтказиб, 508 та гол ўтказиб юборган. Дарвозабон 2012 йилнинг ёзида "Лион"дан лондонликлар сафига кўчиб ўтганди.
