"An-Nasr" hujumchisi Krishtianu Ronaldu Portugaliya va Saudiya Arabistoni chempionatlarini o‘zaro taqqosladi.

«Har bir chempionatda ziddiyatli vaziyatlar bo‘ladi, ammo Portugaliyada ularning soni ko‘p. Bu yomon. Futbolni ozgina tushunadigan insonlar buni anglab olishadi. Ammo hamma o‘z fikrini aytadi.

Hozir Portugaliya chempionati yomon bosqichni boshdan kechiryapti. Ammo, umid qilaman, barcha o‘zgaradi. Aslida nimalar bo‘layotganini bilishi uchun yaqinda gazetani varaqladim. Dastlabki uchta maqola futbol haqida emasdi. Demak, hozir vaziyat yaxshi emas ekan, degan fikr keladi.

Portugaliyalik sifatida bu meni xavotirga soladi. Bizning Liga jahondagi eng yaxshilaridan biri bo‘lishini istardim, ammo hozir unday emas.

Barcha o‘z fikrini aytyapti, barcha bahslashyapti, 40 ta bahs va munozaralarga to‘la. Bu juda yomon. Mana nima uchun Portugaliya chempionati yaqin orada APL, La Liga yoki Bundesliga kabi top-chempionatga aylanmaydi.

Portugaliya ligasi Yevropaning kuchli to‘rt yoki besh chempionatiga kiradi, deb o‘ylardim. Ammo unday emas ekan. Saudiya Arabistoni chempionati Portugaliyanikidan yaxshiroq. U yerda mojarolar, shov-shuvlar ko‘p emas. Futbolchilar esa nom jihatdan yuqori saviyada.

Vaqti kelib, vaziyat o‘zgaradi, ammo qiyin bo‘ladi. Ehtimol, buning imkoni yo‘qdir. So‘nggi paytlarda ro‘y berayotgan voqealar — Portugaliya chempionatini sirkka aylantirib yubordi», – dedi Ronaldu.

Ma’lumot o‘rnida. So‘nggi oylarda Portugaliya chempionatida hakamlar bilan bog‘liq bir nechta mojaroli vaziyatlar ro‘y berdi.

Shunday voqealardan so‘nggisi «Portu» - «Aruka» o‘yinida ro‘y berdi. Mezbonlar o‘yinga qo‘shib berilgan 19-daqiqada (!) qoida xlof ravishda (futbolchi to‘pni qo‘li bilan o‘ynagan — videotakrorlarni tomosha qilishga mo‘ljallangan monitor ishlamay qolgan) hisobni tenglashtirib, mag‘lubiyatdan qutulib qolishdi. Qo‘shib berilgan vaqt esa 22 daqiqa davom etdi. Bu esa boshqa klublarning ham e’tiroziga sabab bo‘ldi.