Argentina terma jamoasi yetakchisi Lionel Messi JCH-2026 saralash bosqichi doirasidagi o‘yinda Ekvador terma jamoasi ustidan qozonilgan g‘alaba haqida fikr bildirdi.
«Bizni saralashda qiyin o‘yinlar kutmoqda. Bu Ekvadorga qarshi xuddi shunday o‘yin edi. Men biroz charchadim, lekin o‘zimni juda yaxshi his qilyapman.
Argentina amaldagi jahon chempioni, shuning uchun hamma bizni mag‘lub etishni xohlaydi. Biz kurashni davom ettiramiz va keyingi jahon chempionatiga tayyorgarlik ko‘ramiz», - deya 36 yoshli hujumchining so‘zlarini keltiradi «Albiseleste» matbuot xizmati.
Uchrashuv Argentinaning 1:0 hisobidagi minimal g‘alabasi bilan yakunlandi. Yagona golni Messi 78-daqiqada jarima zarbasidan kiritdi. Bu gol hujumchi uchun jamoadagi 104-gol bo‘ldi.
