Аргентина терма жамоаси етакчиси Лионель Месси ЖЧ-2026 саралаш босқичи доирасидаги ўйинда Эквадор терма жамоаси устидан қозонилган ғалаба ҳақида фикр билдирди.
«Бизни саралашда қийин ўйинлар кутмоқда. Бу Эквадорга қарши худди шундай ўйин эди. Мен бироз чарчадим, лекин ўзимни жуда яхши ҳис қиляпман.
Аргентина амалдаги жаҳон чемпиони, шунинг учун ҳамма бизни мағлуб этишни хоҳлайди. Биз курашни давом эттирамиз ва кейинги жаҳон чемпионатига тайёргарлик кўрамиз», - дея 36 ёшли ҳужумчининг сўзларини келтиради «Албиселесте» матбуот хизмати.
Учрашув Аргентинанинг 1:0 ҳисобидаги минимал ғалабаси билан якунланди. Ягона голни Месси 78-дақиқада жарима зарбасидан киритди. Бу гол ҳужумчи учун жамоадаги 104-гол бўлди.
